《妳》
啲人話，女人要靚但唔可以覺得自己靚。要叻但絕對唔好太叻，要扮蠢但又唔可以蠢得曬喎。要瘦要細粒但切忌成日嗌住要減肥。對波要有肉地，個身最好就唔好有啦。真性情絕對加分，但女仔人家成撚日講粗口真的好嗎？
年過廿五歲就會開始被列入中女，單身嘅話啲人會叫做剩女，有數個約會對象全世界就大驚小怪話你係雞係公廁。剛好另一半係外籍人士，男人咁做係為港爭光，女人咁做就叫食洋腸，一定係貪人大碌。彷彿世上所有國藉嘅男人性格頭腦文化都係一樣，只有賓周大小上嘅差異。結咗婚，不論男女被催生仔似乎係必然，但未有所得的話就一定係個女人嘅責任。無子喺古代更加係七出嘅理由之一，隨時俾人休都似。呢個時候男人仍然係喺事業上衝刺，但事業與夢想對女人嚟講經已變得好遙遠。傳統觀念話我哋知一個女人本應放棄一切去相夫教子。男主外女主內，能夠為家庭犧牲係女人嘅終極光榮。...
See More
Search